Кемелдік айы

АҚПАН АЙЫ—КЕМЕЛДІК АЙЫ!

Құндылыққа негізделген мектеп жобасы аясында лицей-интернатта "Кемелдік айы" басталды. Кемел адам-өзін-өзі басқара білетін, үнемі ізденісте болатын, тәрбиелі, мәдениетті, білімді, жан-жақты адам дейтін болсақ, кемелдіктің толып жатқан қасиет, қағидаты жетерлік. Әрбір баланың тұлға болып қалыптасуында ұлттық құндылықтармен бірге жеке адамның өзіндік құндылықтарының қатар жетілуі басты назарда. Лицей-интернат директоры Р. Сихимбеков бүгінгі Кемелдік айының ашылуында бүкіл ұжымның, яғни ұстаздар, тәрбиешілер, ата-аналар, қызметкерлердің-бәрінің де бала тәрбиелеудегі өзіндік орны бар екенін еске сала отырып, лицей-интернаттағы іс-шараға белсене атсалысуға шақырды.
Лицейдің аналар академиясы лицей ұжымына құнды, мазмұнды кітаптарды сыйға тартты. Сонымен қатар Қ. Жолдыбайдың Кемел адам кітабын оқып, осы кітап бойынша сынақ сайысына қатысатынын хабарлады.