1 қазан - Қарттар күні құтты болсын!

Қазақ халқы - əр кезде де үлкендерін сыйлап, қарттарын құрметтей білетін халық. Бұл қасиет - қанмен берілетін, анамыздың сүтімен даритын құндылығымыз. Сонау ықылым заманнан бері қарттарымыздың асыл қазына екендігіне мəн бере отырып, ұрпақтар сабақтастығын жалғастыру - біздің парымыз. 

№9 дарынды балаларға арналған "Білім-инновация" лицей-интернатының оқушылары да қарттар күніне орай мерекелік кеш ұйымдастырды. Қазыналы қарияларымызға әннен шашу шашып, мағыналы қойылымдар көрсетіп, ақ жаулықты аналарымыз бен ақ сақалды қарияларымыздың көңіл толқынын тербетер өнер туындыларын алдарына паш етіп, риза болған қарт әкейлер мен ақ жаулықты аналарымыздың ақ батасын алып мәз болысты.