1 қыркүйек – білім күніне арналған «Мектебім-мейірім мекені»; «Менің Отаным – Қазақстан»; Тәрбие сағаты.

Лицей – интернатында «Мектебім-мейірім мекені» атты алғашқы қоңырау салтанатты жиыны өткізілді. 7 сынып оқушылары ортаға арнайы шақырылды. «Әнұран» айтылды. «Алғашқы қоңырау» мерекесін салтанатты түрде ашу үшін алғашқы сөз лицей-интернаттың директоры Сарсенбеков Абайбек Жандарбекұлына берілді. Абайбек ағай 2023-2024 оқу жылының жетістіктеріне тоқталып өтті. Ұстаздар мен жас ұрпақтарды білім күнімен құттықтап, толағай табыстар тіледі. Лицейдің ата-аналар комитетінің төрайымы Нальдибекова Әмина апай сөз алып оқушыларға сәттілік тіледі.  2-ші қыркүйек күні әр сыныпта 1 қыркүйек білім күніне арналған «Менің Отаным – Қазақстан» тақырыбында тәрбие сағаттары өткізілді. Лицей әкімшілігі әр сыныпты аралап оқушыларды жаңа оқу жылымен тағы бір мәрте құттықтап шықты. Тәрбие сағаты басталмас бұрын сынып жетекшілер мен тәрбиешілер де оқушыларын білім күнімен құттықтап, ізгі тілектерін білдірді. Сонан соң тақырып бойынша түсіндірме жұмыстары жүргізілді.